Ger destê maçkirî destê Ozgur Ozel bûya?
Bi rêya Pervîn Chakar lînçeke siyasî li Ozgur Ozelê dikin. Bi rastî hûn dizanin pirsgirêka sereke çi ye? Ji Ozgur Ozel ne aciz in! ew aciz in, ji ber ku difikirin ew bûyer zirarê dide îmaja tirkan.
"Pervîn Chakar di sala 1981an de li navçeya Dêrikê ya Mêrdînê ji dayik bûye. Ji 5 xwişk û birayan a herî mezin e. Piştî Tirkiyê li Îtalyayê opera xwendiye. Çakar bi gelek zimanan stranan dibêje û ev demeke li Elmanyayê dijî."
Bi van agahiyên kurt jî diyare ku divê Chakar bê qîmetkirin. Ma gelo gerek divê tenê kurd serbilind bin ku dengekî wisa bi hêz li Ewropayê tê naskirin? Jixwe kurd bi serkeftina kurdekî serbilind in. Lê çima tirk ne serbilindin? ji ber ku…
Hunermendek ji Dêrikê ji cihekî biçûk hatiye û dengê xwe gihandiye cihanê, çima nikarin li pê welatiyê xwe serbilindbin?
Helbet li ser vê pirsê gelek tişt hene ku mirov dikare binivîsîne; lê ez dixwazim behsa hevdîtina Ozgur Ozel - Pervîn Chakar bikim.
Hûn jî dizanin ku Serokê Giştî yê CHPê Ozgur Ozel çûbû konsera Pervîn Chakar. Di dawiya konserê de Ozel derdikeve ser dikê û hunera Chakar dinirxîne û destê wê maç dike. Dibe ku ev jest li hember huner û hunermend be, yan jî belkî gavek ji bo na dengdêrên kurd be jî. Armanç çibû? Ji texmînkirinê wêdetir mirov nikare tiştekê bibêje. Armanc çi be bila bibe, ji hunermendekî re tevgerek nazik e û ji civakê re peyamek watedar e.
Di vê rewşê de mirov nikare bibêje ku Ozgur Ozel serê xwe ji dijminê xwe re xwar kiriye an jî destê dijmin ramûsandiye. Îcar ev wate ji wir dernakeve.
Wê demê sedema rexneyan çî ye?
Eger pîrozkirina hunermendekî li gorî nijad, meyla zayendî, an nêrînên wî yên siyasî binirxînin ew nebe nirxandinek objektîf. Her çiqas huner vana dihewîne jî ji van taybetiyan gelek zêdetir e.
Bi rêya Pervîn Chakar lînçeke siyasî li Ozgur Ozel ê dikin. Bi rastî, hûn dizanin ku pirsgirêka sereke çi ye? Ji Ozgur Ozel ne aciz in! ew aciz in, ji ber ku difikirin ku ew bûyer zirarê dide îmaja tirkan.
Bi rastî jî kurteya bûyerê ev e. Ev sernivîsên wek "Ozel peyamek jî kurdan re şand", "Ozel çawa destê kurdekî maç dike?", "Gelo Ozel bi HEDEPê re di nava tifaqê de ye?", “Ozel ji ber guhertinê hatibû, ka çi guhert?"... Ev tev hincet in.
Pirsa rast ev e; heger destê maçkirî destê Ozel bûya, wê demê wê ewqas rexne bikiran? Heger yê destê wî hatî maçkirin tirk bûya û yê ku maç dike jî kurd bûya, dê pirsgirêk hebûya?